Çexiya Ermənistanın sabiq prezidenti Serj Sərkisyanın qardaşı oğlu Narek Sərkisyanı Ermənistana ekstradisiya edəcək.

Axar.az Teleqraf.com-a istinadla xəbər verir ki, bu barədə Ermənistan Baş Prokurorunun müşaviri Qor Abramyan Feysbuk hesabında yazıb.

O qeyd edib ki, Çexiyanın hüquq-mühafizə orqanları Ermənistan Baş Prokurorluğunun axtarışda olan Narek Sərkisyanın ölkəsinə təhvil verilməsi barədə tələbini təmin etmək qərarına gəlib.

“Bununla əlaqədar Ermənistanın Baş Prokurorluğu polisə Narek Sərksyanın ekstradisiyasını təşkil etməyi tapşırıb”, - deyə Abramyan bildirib.

Xatırladaq ki, Narek Sərkisyan qanunsuz silah və narkotik saxlama maddəsi ilə axtarışa verilib.