Əlcəzairdə dekabrın 12-nə təyin olunmuş prezident seçkilərinin ləğvi tələbi ilə kütləvi etiraz aksiyaları başlayıb.

Axar.az xəbər verir ki, bu barədə “Əl Manar” televiziyası məlumat yayıb.

Etirazçılar “Seçkiyə yox”, “Geriyə yol yoxdur” şüarlarını səsləndirirlər.

Qeyd edək ki, müxalifət seçkiləri dəstəkləmir və hakimiyyət strukturlarının Əbdüləziz Buteflika rejiminin nümayəndələrindən tam şəkildə təmizlənməsini tələb edir. Belə ki, seçkidə iştirak edəcək namizədlərin beşi də Buteflikanın dövründə yüksək vəzifələri tutmuş şəxslərdir.