Rusiyada alıcı tələbatının kifayət qədər çox olduğu spirt tərkibli enerji içkilərinin satışı qadağan edilir. Qərarın paytaxt Moskva və ətraf bölgələrə şamil olacağı gözlənilir.

Axar.az xəbər verir ki, Rusiya İdman və Gənclər naziri Kiril Şitovun verdiyi açıqlamada qərarın 1 aprel tarixindən qüvvəyə minəcəyi bildirilib. Qərara əsasən, Rusiyada istehsal edilən Yaquar, Strike, Trofi və bu kimi spirtli enerji içkilərinin mağazalardan yığışdırılaraq satışına qadağa qoyulacaq.

Ekspertlər bu kimi enerji içkilərinin digər spirtli içki ilə birgə qəbul edilməsinin sağlamlığa ciddi zərər vurduğunu bildirib.