"Ukraynanı heç vaxt NATO-ya üzv qəbul etməyəcəklər, çünki bunun üçün bütün ölkələrin razılıq verməsi lazımdır".

Axar.az xəbər verir ki, bu açıqlama ilə Ukrayna Müdafiə nazirinin sabiq müşaviri Aleksandr Danilyuk çıxış edib. O, Ukraynanın NATO-ya üzv olmaqdansa, öz təhlükəsizlik ittifaqını yaratmasının lazım olduğunu bildirib:

"Ukraynanı heç vaxt NATO-ya üzv qəbul etməyəcəklər. Çünki bunun üçün bütün ölkələrin razılıq verməsi lazımdır. Ukrayna öz təhlükəsizlik ittifaqını yaratmalı və onun lideri olmalıdır. Bu ittifaq oxşar problemlər yaşayan digər post-sovet ölkələrini də birləşdirməlidir. Məsələn, Gürcüstan, Moldova və Azərbaycan kimi ölkələri. Yaxın gələcəkdə bu sıraya Belarus, Ermənistan və Qazaxıstanı da əlavə etmək olar".

Qeyd edək ki, dünən öz çıxışında Fransa Prezidenti Fransua Olland Ukraynanın NATO-ya üzvlüyünü dəstəkləmədiklərini bildirib. Həmçinin bir çox mütəxəssislər Ukraynanın yaxın 20 il ərzində NATO-ya üzv qəbul edilməyəcəyini söyləyir.