"Rusiya prezidenti ilə siyasi elita arasında uçurumun yaranması artıq aydın müşahidə edilir".

Axar.az xəbər verir ki, bu açıqlama ilə rusiyalı politoloq Andrey Piontkovski çıxış edib.

O, Putinin yaxın zamanlarda prezident postunu tərk edəcəyini bildirib:

"İdarə edən oğru və çekist korporasiyanın öz maraqları olmaqla bərabər, biz cənab Putinin şəxsi maraqlarının da olmasını bilməliyik. Burada isə hər şey aydın olur. Putin özünün şəxsi hakimiyyətinin üstün olmasında maraqlı olduğu halda onun yaxın ətrafı buna etiraz edir. Belə bir məqamda onlar fikirləşirlər ki, prezident korporasiyaya ziyan vurur. Rusiya elitası Qərblə bütün əlaqələrin qırılacağından və onların əvvəlki gəlirlərindən məhrum olacaqlarından qorxur. Buna görə Putin gedəcək və yerinə yeni adam gələcək. Bu isə nə Mandela, nə də Saxarov olacaq. Onlar Seçin və Medvedyevə bənzəyəcəklər".