Yəməndə rəhbərliyi ələ alan Husilər 551 üzvlü parlamentin ləğv edildiyini və yerinə müvəqqəti milli şuranın qurulacağını açıqlayıb.

Axar.az xəbər verir ki, Yəmən televiziyasından Husi spikerinin verdiyi açıqlamada ölkədə 2 illik keçid hökuməti yaradılacağı və bu müddət ərzində Şuranın ölkəni idarə edəcəyi açıqlanıb.

5 nəfərdən ibarət Şura 2 illik keçid dövründə müvəqqəti hökumət quracaq.

Verilən açıqlamada konstitusiya müddəalarının qüvvədə qalacağı bildirilib. Bütün hüquq və azadlıqların dövlət zəmanəti altında olduğu və bunların qorunmasına zəmanət verildiyi bir daha səsləndirilib.