Dubayda tikilmiş 55 mərtəbəli bina Ginnesin rekordlar kitabına düşüb.

Axar.az xəbər verir ki, Meyz Tauvə (Labirint Qala) adlandırılan bu bina "dünyanın ən möhtəşəm şaquli fasada malik binası" kateqoriyası üzrə kitaba daxil olub. Bina biznesin mərkəzi sayılan regionda inşa edilib və 55 mərtəbədən ibarətdir.

Binanın fasadındakı naxışlara şüşələr və "Verde Bahiya" adlı Braziliya qraniti bərkidilib. Gecələr binanın önündəki naxışlar müxtəlif rəngə çalır.

"Əl Rüstəmani Şirkətlər Qrupu"nun vitse prezidenti Abdullah əl-Rüstəmani binanın tərtibatından danışarkən qeyd edib:

"Biz binanın üzərində labirint yaratmaq istəyirdik. Bu bina qaya üzərində naxışları olan bir abidəni xatırlatmalı idi. Bu naxışlara işıq və kölgə oyunlarını da əlavə etdik".