Dünyanın ən böyük sosial şəbəkəsi olan Feysbukun təsisçisi və icraçı direktoru Mark Zukerberqlə həyat yoldaşı Prisçilla Çan San-Fransiskodakı xəstəxanalardan birinə 75 milyon dollar bağışlayıb.

Axar.az xəbər verir ki, bu məbləğ yeni reanimasiya şöbəsi və travma mərkəzinin inşasına xərclənəcək.

Qeyd edək ki, Forbes jurnalına əsasən, 30 yaşlı Zukerberq ən səxavətli amerikalı milyarderlər sırasında dördüncü pillədə yer alır. Belə ki, ötən ilin sonunda da Zukerberg Ebola virusu ilə mübarizəyə 25 milyon dollar ayırmışdı.