Polşa hökuməti 5-ci nəsil F-35 qırıcı təyyarələrinin alınması ilə bağlı bütün məsələlər üzrə ABŞ-la razılaşma əldə edib.

Axar.az xəbər verir ki, bu barədə Polşa Müdafiə naziri Mariuş Blaşak məlumat verib.

İki ölkə arasındakı danışıqların 2020-ci ilin əvvəlində tamamlanacağı qeyd edilib:

"Əminəm ki, F-35-in alınması ilə bağlı danışıqları yanvar ayında başa çatdıracağıq. F-35-lər dünyanın ən müasir təyyarəsidir və Polşa ordusuna düşmənləri üzərində üstünlük verəcək".

Qeyd edək ki, ABŞ Dövlət Departamenti də Polşa ilə 6.5 milyard dollar dəyərində 32 ədəd F-35 təyyarəsinin satışı ilə bağlı razılaşma əldə edildiyini təsdiqləyib.