PKK İŞİD-ə qarşı müharibəni dayandırır. Məsud Bərzani rəhbərliyi altında olan peşmərgə ilə Abdulla Öcalanın təlimatını yerinə yetirən PKK arasında anlaşmazlıq belə nəticələnib.

Axar.az xəbər verir ki, fikir ayrı-seçkiliyinə görə Öcalanın yaraqlıları savaşdan geri çəkilir.

Açıqlamada deyilir ki, silahlı qüvvələr geri çəkilməyi planlaşdırır. Peşmərgənin PKK-nı işğalçı adlandırması gərginliyə səbəb olub. İŞİD-lə döyüşlərdə mövqelərin seçilməsində problemlərin meydana gəlməsi də mübahisəyə səbəb olub. Öcalan qüvvələri bölgədə sərbəst hərəkət etməkdə maneələr olduğunu açıqlayıb. Təşkilatın terrorçu və işğalçı olması barədə təbliğat PKK tərəfindən etirazla qarşılanıb.

Qeyd edək ki, uzun müddətdir Bərzani - Öcalan münasibətlərində irəliləyiş müşahidə olunmur.