Almaniya kansleri Angela Merkel və ABŞ Prezidenti Barak Obama bu gün Vaşinqtonda görüşəcəklər.

Axar.az xəbər verir ki, danışıqların əsas mövzusu Ukrayna konflikti olacaq.

Qərb mətbuatı bildirib ki, danışıqlar zamanı Merkel Vaşinqtonun Ukraynaya silah verməsindən narazı olduğunu bir daha ifadə edəcək.

Münhen Təhlükəsizlik Konfransında da Merkel Ukrayna konfliktinin həllində hərb variantının olmasını istisna etmişdi.

Qeyd edək ki, dünən ABŞ senatorlarının bir qismi Almaniyanın Obamanı Ukraynaya silah vermək məsələsində fikrindən döndərəcəyini bildirmişdi.