Bütün Ermənilərin Katolikosu İkinci Qareginin adı skandalda hallanır. II Qareginin hesabında 1 milyon dollardan çox pul olduğu və İsveçrə banklarında gizli hesab açdığı bildirilir.

İkinci Qareginin adı bank hesablarında 2000-ci ildən xatırlanır. 2006-2007-ci illərdə "Qaregin İkinci Nerses" adına hesabda 1,1 milyon dollar məbləğində pul olub. Bu barədə "BBC-Azərbaycan" yazır.

Belə ki, Beynəlxalq Jurnalist Araşdırmaları Konsorsiumunun (ICIJ) müraciətinə cavab olaraq Eçmiədzin Baş Kilsəsinin mətbuat katibi bu hesabın kilsə üçün xeyriyyəçilik məqsədləri ilə açıldığını bildirib.

"Hesab İkinci Qareginin adına onun sələfi vəfat etdikdən sonra eyni məqsədlərlə istifadə etmək üçün açılıb. Katolikosun səlahiyyətləri dairəsində olan erməni kilsəsinin katolikosluğu milli dini idarə olaraq vergidən azaddır. Vergi qoyma məsələsində Baş Patriarx toxunulmazdır", - Eçmiadzin nümayəndəsi qeyd edib.

Ermənistana aidiyyəti olan, lakin adı açıqlanmayan daha bir şəxsin iri məbləğli bank hesabı 5,8 milyon dollar təşkil edir.