ABŞ Prezidenti Barak Obama İsrail Baş naziri Binyamin Netanyahunun ölkəsinə səfərini qiymətləndirib.

Axar.az xəbər verir ki, Obama Almaniya Kansleri Angela Merkeldən sonra mətbuat konfransı keçirərək Netanyahunu Merkel ilə müqayisə edib:

"Almaniyada da seçkilərə iki həftə qalsaydı, Merkeli dəvət etməzdik. O da buna etiraz etməzdi. Bu, bizim işimizdir. ABŞ və İsrail əlaqələri də müəyyən bir partiyaya bağlı deyil. Əlaqələrimiz partiya çərçivəsindən xeyli uzaqdır".

Xatırladaq ki, Netanyahunun mart ayında reallaşacaq ABŞ Senatındakı çıxışı birmənalı qarşılanmayıb. Prezident Obama Netanyahunun səfərindən 2 həftə sonra İsraildə seçkilər keçiriləcəyini əsas gətirərək, baş nazirin ABŞ-a səfəri zamanı onunla yüksək çinli rəsmilərin və özünün görüşməyəcəyini açıqlamışdı.