Rusiyanın BMT-dəki daimi nümayəndəsi Vitali Çurkin liderlərin Minskdə Normandiya formatında müzakirəsinin öz bəhrəsini verməyəcəyi təqdirdə Donbasda vəziyyətin yenidən gərginləşəcəyi ilə bağlı xəbərdarlıq edib.

Axar.az bildirir ki, Rusiya televiziyasına danışan Çurkin bu görüşdən böyük gözləntilər olduğunu gizlətməyib:

"Minsk danışıqları da uğursuz olarsa, Ukraynada vəziyyət yenidən gərginləşəcək. Böhran yeni bir mərhələyə qədəm qoya bilər. Bu, BMT-də tez-tez müzakirə edilir. Minsk görüşünə ümidlər böyükdür".

Qərbin Kiyevə silah yardımının bu görüşdən sonra bəlli olacağını deyən Çurkin bunun beynəlxalq normalara uyğun olmadığını bildirirb:

"ABŞ Ukraynaya silah yardımı etmək fikrindədir. Ancaq bu, beynəlxalq razılaşmalara görə, qanunsuzdur. Ancaq bir çox hadisədə ABŞ fərqli davrana bilir. Burada da bənzər bir vəziyyət ola bilər".