Ana səhifə Planet |
Belçikada keçmiş partiya lideri və federal millət vəkili Filip Devinterin internet saytı "Axınçılar" adlı türk haker qrupu tərəfindən dağıdılıb.
Axar.az xəbər verir ki, Devinterin internet saytını (www.filipdewinter.be) hak edən "Axınçılar" sayta türkcə və ingiliscə Hicr surəsinin 9-cu ayəsini və "Qurana dəstəmazlı olmadan əsla əl vurmayın" hədisini yerləşdiriblər: "Şübhəsiz ki, o Zikri (Quranı) biz endirdik və şübhəsiz ki, onu qoruyacaq olanlar da əlbəttə ki, bizik".
"Axınçılar" ələ keçirdikləri sayta bu sözləri də yazıblar: "Şübhəsiz ki, pisliklərin qaynağı müqəddəs kitabımız deyil! Sizin beyninizdən axan iylənmiş irqçi düşüncələrinizdir. Şübhəsiz biz şahidik!"
Xatırladaq ki, millət vəkili Devinter yanvarın 22-də parlamentdə etdiyi çıxışında Quranı havaya qaldıraraq müsəlmanların müqəddəs kitabı hesab edilən kitabın "bir çox pisliklərin səbəbi, bütün pisliklərin qaynağı" olduğunu və "öldürmə icazəsinin" bu kitabdan alındığını söyləyib.
Tarix
2015.02.10 / 18:43
|
Müəllif
Nilufər Muğantürk
|