Ukrayna Ali Radasının deputatları Rusiya ilə diplomatik münasibətlərin müvəqqəti dayandırılması ilə bağlı qətnamə layihəsi hazırlayıb.

Axar.az xəbər verir ki, bu barədə Ukrayna parlamentinin rəsmi saytında məlumat yayımlanıb.

Qətnamə layihəsinin müəllifləri Oleq Lyaşko, Dmitri Linko və Andrey Lozovoy parlamentdə məsələ ilə bağlı çıxış ediblər. Deputatların əksəriyyəti bu təklifə müsbət yanaşıblar.

Ukrayna Xarici İşlər naziri Pavel Klimkin müsahibəsində Rusiya ilə diplomatik münasibətlərin kəsilməsinin Donetskdə beynəlxalq danışıqlar prosesinin çətinləşməsinə gətirib çıxara biləcəyini bildirib. Onun sözlərinə görə, belə bir durumda münaqişənin nizama salınması üçün vasitəçiləri cəlb etmək lazım olacaq.