ABŞ senatoru Prezident Barak Obamadan Ukraynaya silah verilməsini rəsmən xahiş edib.

Axar.az xəbər verir ki, ABŞ Senatının beynəlxalq münasibətlər komitəsinin sədri Bob Korker "Ukraynanın azadlığına dəstək haqqında - Akt 2014-cü il" qətnaməsinin dəqiq mövqe göstərəcəyini bildirib.

Korker Obamaya məktubunda qeyd edib ki, bu qanun ölümcül silahların Ukrayna hökumətinə verilməsini özündə ehtiva edir. Ölümcül silahların Ukraynaya çatdırılmasının Rusiya ilə sərhəddə böyük üstünlük olacağı da xüsusi vurğulanır.

Xatırladaq ki, Obama böhranın sülhlə həllinin tərəfdarı olduğunu bildirmiş, həmçinin Ukraynaya ölümcül silahlar verilməsinin problemin həllinə yardım edəcəyi ehtimalının digər variantlardan daha yüksək olduğunu da nəzərə çarpdırmışdı.