Ana səhifə Planet |
Gürcüstanda ilk dəfə ölkənin dini təqvimində islam dininin bayramları və önəmli günləri də yer alıb.
Axar.az xəbər verir ki, bu barədə Feysbuk səhifəsində Gürcüstan Müsəlmanları İdarəsinin şeyxi Hacı Ramin İgidov məlumat yayıb. O, bu qərarın qəbul edilməsi üçün çox çalışdıqlarını bildirib:
"Bu il Gürcüstanın Dini Məsələlər üzrə Dövlət Agentliyi tərəfindən dərc olunan təqvimdə digər dinlərin bayramları ilə bərabər, islam dininin müqəddəs günləri də yer alıb. Qurban və Ramazan kimi böyük bayramlarla yanaşı, Hz. Peyğəmbərin mövludu (s), Hz. İmam Əli (ə) və Hz. Xanım Zəhranın təvəllüd günləri, Məbəs və Qədir-xum bayram günləri, Aşura və kandil gecələri qeyd olunub. Ölkədə baş verən bu ilk Gürcüstan Müsəlmanları idarəsinin rəhbərlərinin dini agentliklə mütəmadi görüş və dialoqu nəticəsində olub. Allah zəhməti keçənlərdən razı olsun!"
Tarix
2015.02.10 / 23:32
|
Müəllif
İlham Sahiloğlu
|