"Suriyanın terroru dəstəkləyən koalisiyada yer alması mümkün deyil".

Axar.az xəbər verir ki, bu sözləri Suriya Prezidenti Bəşər Əsəd deyib.

Əsəd bir televiziya kanalına müsahibəsində ABŞ rəhbərliyinin və koalisiyada yer alan bir çox ölkələrin İŞİD-i dəstəklədiyini, bu prosesdə də iştirak etməyəcəklərini bildirib.

Dövlət qurumlarının hələ də xalqa borcunu yerinə yetirdiyini qeyd edən Əsəd bildirib ki, ölkəni işğaldan qorumaqla məşğuldur:

"Uğursuz bir ölkədən danışmaq mümkün deyil. Hakimiyyəti itirməkdən bəhs etmək isə tamamilə fərqli bir vəziyyətdir. Baş verənlər kənardan gələn terrorçularla yaradılan işğaldır. Hökumət isə ölkəni qorumaq və terrorçularla mübarizəni əsas götürür".

Suriya ordusunun xlor qazından istifadə etdiyi barədə iddiaları rədd edən Əsəd qurbansız müharibənin olmadığını bildirib.