ABŞ Prezidenti Barak Obama Rusiya Prezidenti Vladimir Putinlə fevralın 10-da Ukraynanın şərqindəki vəziyyətlə bağlı telefon danışığı aparıb.

Musavat.com xəbər verir ki, Obama Putinə konfliktlə bağlı sülhə nail olmaq zərurətini xatırladıb. ABŞ-ın Ukraynanın suveren haqlarını tanıdığını qeyd edən Obama Putini Minskdə keçiriləcək danışıqlarda sülh imkanını əldən verməməyə çağırıb.

Obama açıq şəkildə bildirib ki, Rusiya rusiyapərəst separatçılara dəstək verdikcə, onun itkilərinin dəyəri yüksələcək.

Obama ABŞ-ın Ukraynaya silah vermək haqqında düşüncələrinə də işarə vurub və bildirib ki, Vaşinqton hələ belə bir qərar verməyib.