"Rusiyanın qarşısını yalnız real işlərlə saxlamaq olar".

Axar.az xəbər verir ki, bu açıqlama ilə amerikalı politoloq Zbiqnev Bjezinski çıxış edib.

Onun dediklərinə görə, bu gün Ukraynada baş verənləri bir il bundan öncə heç kim ağlına gətirə bilməzdi:

"Sizə özümün ən böyük kabusum haqqında danışım. Bir gün Putin Riqa və Tallini də tutacaq. Çünki onlar özlərini qoruya bilmirlər. Biz isə Qərbdə oturub bunu skandal, şok adlandırıb heç nə edə bilməyəcəyik. Tezliklə nüvə müharibəsinin başlanacağı ilə bağlı səslər yayılacaq. Nəticədə biz Baltik dənizinə donanma göndərib desant çıxarmayacağıq. Təklif edirəm ki, Baltikyanı ərazilərə ABŞ və ya NATO-nun o qədər də böyük olmayan bölüyü göndərilsin. Doğrudur, 100 nəfərlik Amerika əsgəri Rusiyaya Estoniyadan hücum etməyəcək. Amma Putin biləcək ki, o hücum etsə, amerikalılar, almanlar və britaniyalılarla savaşmalı olacaq. Ukraynanı Rusiya ilə baş-başa buraxmaq olmaz".