Ukrayna böhranının həlli üçün bu gün Belarusun paytaxtı Minskdə toplanacaq zirvə əsnasında danışan Ukrayna Prezidenti Petro Poroşenko ölkədə qeyd-şərtsiz atəşkəs elan olunmasının vacib olduğunu açıqlayıb.

Axar.az Sputniknyus-a istinadən bildirir ki, dünən Donetskdə yerləşən Kramatorsk şəhərini ziyarət edən Poroşenko şərt düşünmədən Minskə getdiyini deyib:

"Kramatorskda sülhü təmin etmək lazımdır. Ukraynanı qorumalıyıq. Buna görə atəşkəs çağırışı etmək və siyasi dialoq başlamaq üçün dərhal, heç bir tələb təqdim etmədən və şərtsiz olaraq Minskə gedirəm".

Xatırladaq ki, bu dəqiqələrdə Poroşenko da daxil olmaqla Rusiya Prezidenti Vladimir Putin, Almaniya Kansleri Angela Merkel və Fransa Prezidenti Fransua Olland Minskdə Ukrayna böhranını müzakirə edir.