Fransa Prezidenti Fransua Olland və Almaniya Kansleri Angela Merkelin bu axşam Minskdə keçirilməsi planlaşdırılan Ukrayna zirvəsinə qatılacağı açıqlanıb.

Axar.az xəbər verir ki, Yelisey sarayından verilən açıqlamada bildirilib ki, Olland və Merkel arasında bu gün səhər telefon danışığı reallaşıb və zirvə öncəsi vəziyyət qiymətləndirilib.

Liderlər Ukrayna böhranının həlli istiqamətində bütün diplomatik imkanları səfərbər edərək Minsk görüşündə razılıq əldə edilməsinin vacibliyini qeyd edib.

Xatırladaq ki, Minsk zirvə görüşünün Rusiya, Ukrayna, Almaniya və Fransa liderlərinin iştirakı ilə bu axşam keçirilməsi planlaşdırılır.