"Rusiya Ukraynanın Qərb blokuna keçməsini, NATO-ya və AB-yə üzv olmasını əngəlləməyə çalışır".

Axar.az xəbər verir ki, bu açıqlama ilə türkiyəli politoloq Ərhan Keleşoğlu çıxış edib. O, Rusiya Prezidenti Vladimir Putinin Misir səfərinin pərdəarxasına aydınlıq gətirib:

"Rusiya birinci növbədə Ukraynanın Qərb blokuna keçməsini, NATO-ya və AB-yə üzv olmasını əngəlləməyə çalışır. İkinci növbədə isə Suriyada ABŞ-ın nüfuzunun artmasını önləmək istəyir. Putin bu səfəri ilə Misirdən ABŞ-a bir mesaj verdi: Şərqi Avropada öz maraqlarımızı necə qoruyuruqsa, Şərqi Aralıq dənizində də öz maraqlarımızı qoruyacaq gücə sahibik. Biz aramızdakı problemləri masa arxasında həll edə bilərik. Çünki nüfuz mübarizəsi iki tərəf üçün də yaxşı olmaz. Bizim də əlimizdə güclü kartlar var".