Rusiya Xarici işlər naziri Sergey Lavrov Yunanıstana iqtisadi yardım edə biləcəklərini açıqlayıb.

Axar.az xəbər verir ki, baş diplomat Afinanın Rusiyadan yardım istəyəcəyi təqdirdə, ölkəsinin buna "yox" deməyəcəyini bildirib.

Moskvada yunan həmkarı Nikos Kotzias ilə bir araya gələn Lavrov Yunanıstanın iqtisadi durumunun müzakirə olunduğunu deyib:

"Qərb həmkarlarımızın qeyri-qanuni birtərəfli siyasəti səbəbindən bizim də vəziyyətimiz ürəkaçan deyil. Ancaq Yunanıstan hökumətindən maliyyə yardım mövzusunda hər hansı tələb gələrsə, biz bunu mütləq qiymətləndirəcəyik".