"Minskdə təkcə Ukraynanın yox, həm də bütün Avropada bundan sonra hökm sürəcək sabitliyin taleyi müəyyən olunur".

Axar.az xəbər verir ki, bu açıqlama ilə Rusiya Dumasının Beynəlxalq Əlaqələr Komitəsinin sədri Aleksey Puşkov öz "Tvitter" hesabında çıxış edib.

O, Minsk görüşünün Avropaya sülh üçün verilmiş növbəti şans olduğunu bildirib.

Qeyd edək ki, hazırda Minskdə Rusiya, Fransa, Almaniya və Ukrayna prezidentlərinin iştirakı ilə Ukrayna konfliktinin həlli məsələsi müzakirə edilir. Bəzi analitiklər məhz bu gün Ukrayna konflikti ilə bağlı yekun nəticənin əldə olunacağını bildirirlər.