Kanadanın "Bombardier"şirkəti Q400 təyyarələrinin Rusiyada kütləvi istehsalı ilə bağlı layihəni dayandırmaq qərarına gəlib.

Axar.az xəbər verir ki, bunu şirkətin Rusiya, MDB və Şərqi Avropa şöbəsinin direktoru Mark Hilbert deyib.

"İqtisadi vəziyyətlə bağlı olaraq Rusiyada təyyarələrin kütləvi istehsalı dayandırılıb. İqtisadi vəziyyət dəyişəcəyi təqdirdə məsələ ilə bağlı danışıqlar yenilənəcək", - Hilbert deyib.

Qeyd edək ki, bir müddət əvvəl "Bombardier" şirkəti Rusiyanın "Rostex" korporasiyası ilə birgə Q400 hava gəmilərinin istehsalı ilə bağlı razılığa gəlmişdi. Razılaşmaya əsasən ildə 24 təyyarənin istehsalı nəzərdə tutulurdu.