"Ukrayna böhranı Avropanı o qədər məşğul etdi ki, Belarus Prezidenti Aleksandr Lukaşenkoya qarşı vaxtilə tətbiq etdikləri sanksiyaları unutdular".

Axar.az xəbər verir ki, bu açıqlama ilə politoloq Elxan Şahinoğlu çıxış edib. O, Avropanın Belarus Prezidenti Aleksandr Lukaşenkoya qarşı siyasətinin dəyişməsinə aydınlıq gətirib:

"Ukrayna böhranı Avropanı o qədər məşğul etdi ki, Belarus Prezidenti Aleksandr Lukaşenkoya qarşı vaxtilə tətbiq etdikləri sanksiyaları unutdular. Onu daha "Avropanın sonuncu diktatoru" adlandırmırlar. Düz də edirlər. İndi bu məsələnin yeri deyil. Lukaşenko əlindən gələni edir ki, Ukrayna böhranı sona çatsın, Ukraynanın ərazi bütövlüyünü dəstəkləyir və Krımın işğalını bəyənmir. Lukaşenkonun Moskva qarşısında bu qətiyyəti Avropada yüksək dəyərləndirilir və buna görə də Almaniya kansleri Merkel və Fransa Prezidenti Olland rahatlıqla Minskə gedirlər..."