"Minskdəki danışıqlarda ölkənin federallaşdırılması və ya Donbasa muxtariyyatın verilməsindən söhbət getmir".

Axar.az xəbər verir ki, bu açıqlama ilə Ukrayna Prezidenti Pyotr Poroşenko çıxış edib.

O, Ukraynanın unitar dövlət kimi qalacağını bildirib: "Ukrayna unitar dövlət olub və olacaq".

Qeyd edək ki, dünəndən etibarən Minskdə Ukrayna böhranı ilə bağlı Ukrayna, Fransa, Almaniya, Rusiya dövlət başçıları arasında danışıqlar gedir. 14 saatlıq görüşdən sonra hələ də sülh planının altına heç bir prezident imza atmayıb.