Rusiya Liberal Demokrat Partiyasının lideri Vladimir Jirinovski Dumanın növbəti iclası zamanı yenidən öz ampluasına uyğun çıxış edib.

Axar.az xəbər verir ki, Jirinovski çıxışı zamanı Rusiyadakı bütün bədbəxtliklərin, sanksiyaların tətbiq edilməsinin əsl günahkarı kimi Avropa, əsasən də Almaniya kansleri Angela Merkelin adını çəkib.

Məhz buna görə də partiya lideri Almaniyanı tamamilə məhv etməyə və Parisi yandırmağa çağırıb:

"Angela Merkel Avropa İttifaqı və NATO-nun əsas fiqurudur. Bizə tətbiq olunan sanksiyalar məhz ona görədir. Bütün Parisi yandırmaq lazımdır. Bütün Almaniyanı bombalamaq lazımdır ki, bir daş, bir alman belə qalmasın".