"Barışığın uzunmüddətli olacağına heç kəsdə inam yoxdur".

Axar.az xəbər verir ki, bunu rusiyalı müxalifətçi Boris Nemtsov söyləyib.

O, müəyyən müddətdən sonra "Donetsk və Luqansk Xalq Respublikaları"nın öz istəyi ilə Ukraynaya geri dönəcəyini bildirib:

"Barışığın uzunmüddətli olacağına heç kəsdə inam yoxdur. Nə ukraynalılarda, nə də ki separatçılarda. Onların bir-birinə inamı sıfıra bərabərdir. Üstəgəl Rusiya ilə açıq sərhədin olması bu əraziyə silah və döyüşçülərin daxil olacağına imkan yaradır. Bu səbəbdən divar hörməyin əsl vaxtıdır. Donetsk və Luqansk ərazilərini isə üsyançı torpaqlar elan etmək lazımdır. İslahatlar keçirmək və Ukraynada iqtisadi uğurlar əldə edilməlidir. Bundan sonra artıq həmin ərazilərə Donetsk və Luqanskın özləri Ukraynaya qayıtmaq istəyəcək. İşğal olunmuş ərazilərdən imtina edən hər kəs harada yaşayacağını özü seçə bilər. Məhz o zaman barışıq və əsil sülh olacaq".