Minskdə "Normand dördlüyü"nün 17 saatlıq görüşü zamanı Pyotr Poroşenko, Fransua Olland və Angela Merkel bir neçə dəfə Vladimir Putini tək qoymaq istəyiblər.

Axar.az xəbər verir ki, bunu Ukrayna Xarici İşlər Naziri Pavel Klimkin bu gün Ali Radada çıxışı zamanı deyib.

Klimkin bildirib ki, danışıqlar olduqca çətin şəraitdə keçib:

"17 saatlıq görüş zamanı həm biz, həm də bizim alman və fransız həmkarlarımız bir neçə dəfə danışıqları yarımçıq dayandırmaq istədik. Lakin siz özünüz də gördünüz ki, biz oradan razılaşma ilə çıxdıq".