İsrail Baş naziri Benyamin Netanyahu ABŞ Prezidenti Donald Trampı İrana tətbiq edilən sanksiyalardan dolayı təşəkkür edib.

Axar.az xəbər verir ki, Netanyahunun ofisindən verilən məlumata əsasən, İran hökumətinin xalqa təzyiq göstərdiyi və dünyada sülhü təhdid etdiyi vurğulanıb.

Qeyd edək ki, ABŞ administrasiyası İrana sanksiyaları bir qədər də genişləndirib. Belə ki, Vaşinqton İranın səkkiz yüksək rütbəli rəsmisinin adını sanksiya siyahısına salıb. Həmin şəxslərin İraq ərazisində ABŞ və koalisiya hərbçilərinin yerləşdiyi bazalara bugünlərdəki ballistik raket hücumunda əli olduğu iddia edilir.

ABŞ Dövlət katibi Mayk Pompeo məhdudlaşdırıcı tədbirlərin İranın "daxili təhlükəsizlik aparatı"nı hədəf aldığını bildirib.