Suriyanın Şərqi Quta bölgəsindəki Duma şəhərində Əsəd qüvvələri qətliam törədib.

Axar.az xəbər verir ki, hadisə nəticəsində 28-i qadın, 29-u uşaq olmaqla 178 nəfər həlak olub.

Suriya İnsan Haqları Təşkilatının verdiyi açıqlamaya görə, Əsəd rejiminin Suriyada 5 gün davamlı şəkildə apardığı hücumlar nəticəsində 370-dən artıq insan yaralanıb.

Xatırladaq ki, sözügedən bölgə Suriyanın qarşıdurmaların ən çox yaşandığı ərazilərindən biridir. 2013-cü ilin avqust ayında Əsəd qüvvələrinin bu bölgədə kimyəvi silahlardan istifadə etməsi nəticəsində 1300-dən çox yerli vətəndaş həlak olmuşdu.