Latviya ordusu NATO-nun həyəcan siqnalı ilə Typhoon qırıcılarını yenidən havaya qaldırıb.

ANS-in məlumatına görə, buna səbəb Baltik dənizinin üzərində Rusiyanın İL-20 kəşfiyyatçı təyyarəsinin görünməsi olub.

Baltik dənizi üzərində hava məkanının mühafizəsi ilə məşgul olan NATO-nun Typhoon qırıcıları Rusiya Hərbi Hava Qüvvələrinin İL-20 təyyarəsini ələ keçirmək üçün havaya qalxıblar.

Rusiyanın hərbi təyyarələri NATO-nun reaksiyasını yoxlamaq və ola bilsin, döyüş şəraitini imitasiya etmək məqsədilə Avropanın hava məkanında uçuşlarını artırıb.

Bunula bərabər Rusiya pilotları aviadispetçerlərlə əlaqəyə girmir. Son aylar Rusiya hərbi təyyarələrinin NATO-ya üzv ölkələrin hava boşluğuna və Avropa səmasında uçuşlar həyata keçirərək təhlükəsizlik qaydalarını pozması haqqında xəbərlər tez-tez yayılır.