Düşmənlərimizin enerjilərini və mənbələrini sərf edərək bir-biri ilə müharibə aparması sayəsində Yaxın Şərqdə yenidən təşkilatlanacağıq.

Axar.az xəbər verir ki, bu fikirlər İŞİD-in mətbuat orqanı “Əl Nəba” qəzetində öz əksini tapıb. Təşkilat yayımladığı yazısında Süleymaninin ölümün “qismət” (Allahın təqdiri) adlandırıb və sui-qəsdin "cihadçılar"a (İŞİD terrorçuları nəzərdə tutulur - red.) faydalı olacağı vurğulanıb.

Qeyd edək ki, SEPAH-ın Qüds komandiri Qasım Süleymaniyə qarşı ABŞ tərəfindən təşkil edilən sui-qəsd zamanı İraq şiə qüvvələrinin komandan yardımçısı Əbu Mehdi əl-Mühəndisi də öldürülmüşdü.