İraqda İranla bağlı növbəti əməliyyat keçirilib.

Axar.az Publika.az-a istinadla xəbər verir ki, bu ölkədə fəaliyyət göstərən şiə hərbi qruplarından birinin lideri olan Talib Abbas Əli əl-Səidi öldürülüb.

İraq şiələrinin Xalq Səfərbərlik Qüvvələrinin komandiri olan Talib Abbas Əli əl-Səidi Bağdaddan 90 kilometr məsafədəki Kərbala şəhərində naməlum silahlıların həyata keçiriyi əməliyyat nəticəsində öldürülüb, lakin əməliyyatın təfərrüatı barədə məlumat yoxdur.

Talib Abbas Əli əl-Səidi Xalq Səfərbərlik Qüvvələrinə bağlı Kərbala briqadasının komandiri idi. Bu silahlı qruplaşma İraqda ABŞ qüvvələrinə qarşı tez-tez hücumlar təşkil edir.

İraqdakı yaxşı silahlanmış Xalq Səfərbərlik Qüvvələri İranın Qüds briqadası tərəfindən dəstəklənir.