ABŞ-ın “Foks Nyus” kanalı SEPAH-ın Qüds briqadasının komandiri general Qasım Süleymaninin konvoyunu gizlicə təqib edən ABŞ xüsusi təyinatlı qüvvələrindən sui-qəsdlə bağlı maraqlı fakt və görüntülər əldə edib.

Axar.az xəbər verir ki, kanal ABŞ hərbçilərinin yanvarın 3-də Süleymaninin ölüm anını gizlicə çəkdiklərini bildirib.

Məlumata görə, ABŞ hərbçiləri hücumdan dərhal sonra Süleymanini yanan avtomobildən çıxarıblar.

“Kimliyini təsdiq etmək üçün Süleymanini avtamobildən çıxarıb söndürdülər”, - məlumatda qeyd edilib.

Kanal Süleymaninin bədənində qorxunc yara izləri olduğunu, hətta bədəninin bəzi orqanlarının qopduğunu bildirib.

Öldüyü zaman Süleymaninin üzərində tapança, mobil telefon, avtomat və bir şeir kitabı olub.