Ana səhifə Planet |
Böyük Britaniya səfiri Robert Makeyr qanunsuz aksiyada iştirak edən naməlum əcnəbi vətəndaş kimi saxlanılıb. Onun şəxsiyyəti məlum olduqdan sonra dərhal buraxılıb.
Axar.az xəbər verir ki, bunu İran Xarici İşlər nazirinin müavini Abbas Araqçı bildirib.
“O, qanunsuz yığıncaqda iştirak edən naməlum əcnəbi kimi saxlanılmışdı. Polis mənə deyəndə ki, saxlanılan şəxs Britaniyanın səfiri olduğunu iddia edir, mən inanmadım. Yalnız onunla telefonla danışdıqdan sonra bildim ki, odur. 15 dəqiqə sonra o, azad edildi”, - Araqçı bildirib.
Qeyd edək ki, Böyük Britaniyanın Tehrandakı səfiri Robert Makeyr ötən gün polis tərəfindən saxlanılmışdı. Makeyrin Tehrandakı tələbələrin etiraz aksiyasını təşkil etməkdə ittiham edildiyi vurğulanıb. Bu səbəbdən səfir polis idarəsində sorğu-sual edilib, daha sonra sərbəst buraxılıb. Onun yenidən polis idarəsinə gedəcəyi və ifadə verəcəyi bildirilib.
Tarix
2020.01.12 / 17:15
|
Müəllif
Axar.az
|