İranın xalq qoşunu “Bəsic” Böyük Britaniyanın Tehrandakı səfirliyinin binası qarşısında kütləvi etiraz aksiyası keçirir.

Report-un məlumatına görə, aksiya iştirakçıları Britaniyanın İran paytaxtındakı diplomatik nümayəndəliyinin təcili bağlanmasını tələb edirlər. Səfirlik qarşısında toplaşan "Bəsic" üzvləri Böyük Britaniyanın islam respublikasının daxili işlərinə müdaxiləsini dayandırmaq tələbi ilə şüarlar səsləndirirlər.

"Basic" xalq qoşunu yarımhərbi könüllülər təşkilatdır. Onun üzvləri qanuna və dini normalara riayət etməyə nəzarəti həyata keçirirlər. Onun üzvlərini sayı təxminən 10 milyon nəfərdir.

"Bəsic" İran İslam İnqilabı Keşikçiləri Korpusunun tərkibinə daxildir.