Rusiyada çağırışçılar 5 il müddətinə ölkəni tərk etməyə bilər.

Axar.az xəbər verir ki, bu barədə Rusiya Dövlət Duması qanun layihəsi hazırlayıb. Bu qanunun məqsədi hərbi xidmətdən yayınanların qarşısını almaqdır.

Dumanın müdafiə üzrə komitə rəhbərinin müavini Andrey Krasov bildirib ki, deputatlar tərəfindən də təsdiqlənsə, ordudan yayınan çağırışçılar ölkəni tərk etmək hüququnu itirəcəklər.

Əgər çağırışçılar komissiyanın nəticəsinə uyğun olaraq hərbi xidmət keçməyiblərsə, 5 il müddətinə ölkəni tərk edə bilməyəcəklər.

Rusiya Federasiyası Müdafiə Nazirliyinin məlumatına görə, ötən il hərbi xidmətdən yayınan vətəndaşların sayı 4334 nəfər olub.