Çelyabinsk sakinləri şəhərin kənarına yağan yaşıl qar müşahidə ediblər və narahat olublar.

Axar.az xəbər verir ki, Rusiya Ekologiya Nazirliyi məsələ ilə bağlı açıqlamasında qarın yaşıl rəngdə olmasına yaxınlıqda yerləşən qranit karxanasından çıxan külün səbəb olduğunu bildirib.

Ekoloji Maarifləndirmə İdarəsinin sədri Vitali Bezrukovun sözlərinə görə, külün sakinlərin sağlamlığına heç bir ziyanı yoxdur.

“Bunlar təbii materiallar və dağ mədənlərinin hissələridir”, - Bezrukov bildirib.

İdarə rəisi bildirib ki, Ekologiya Nazirliyi havanın keyfiyyətini yoxlamaq üçün laboratoriya quraşdıracaq, karxanada isə yoxlamalar aparılacaq.