Ukrayna Prezidenti Pyotr Poroşenko Minskdə əldə olunan razılaşma yerinə yetirilməyəcəyi təqdirdə Avropa Şurasının təcili yığıncağının çağırılacağını açıqlayıb.

Axar.az xəbər verir ki, Macarıstan Baş naziri Viktor Orban ilə görüşünün ardından mətbuata məlumat verən Poroşenko Olland və Merkelin təkcə Fransa və Almaniyanın təmsilçisi olmadığını deyib:

"Bazar günü erkən saatlarda ikitərəfli atəşkəs təmin ediləcək. Belə olmasa, biz Avropa Şurasını fövqəladə toplantıya çağıracağıq. Çünki Almaniya kansleri Angela Merkel və Fransa Prezidenti Fransua Olland razılaşma çərçivəsində yalnız Almaniya və Fransanı təmsil etmir. Onlar bütün Avropa Birliyini təmsil edir".

Xatırladaq ki, Donetsk hərbi nümayəndələrindən Eduard Basurin yeni Minsk müqaviləsinə riayət etməyə hazır olduqlarını açıqlamışdı.