Bu gün qondarma Donetsk Xalq Respublikasının rəhbəri Aleksandr Zaxarçenko atəşkəsin həyata keçirilməsi barədə fərman imzalayıb.

Axar.az xəbər verir ki, Zarxarçenkonun imzaladığı fərmanda münaqişə bölgəsində gərginliyi artıracaq addımlardan çəkinmək qeyd edilir.

Ukrayna Prezidenti Pyotr Poroşenko da bu gün açıqlamasında sülhün pozulacağı təqdirdə bütün ölkə ərazisində hərbi vəziyyət elan etməyə hazır olduğunu bildirib.

Fevralı 12-də Minskdə Ukrayna problemi ilə bağlı "Normand dördlüyü" 14 saatlıq görüş nəticəsində razılaşma əldə edib. Razılaşmada fevralın 15-dən etibarən Ukraynanın şərqində atəşkəsin tətbiq olunacağı, ağır silahların geri çəkiləcəyi və təhlükəsizlik zonasının yaradılacağı nəzərdə tutulur.