"Qarabağ konfliktinin həlli üçün yol tapılacaq".

Axar.az xəbər verir ki, bu açıqlama ilə Rusiya Dumasının MDB ölkələri üzrə komitəsinin rəhbəri Vladimir Nikitin çıxış edib.

O, Azərbaycanda rusofobiyanın olmadığını bildirib:

"Rusiyayla Azərbaycan arasında dostluq münasibətləri var. Buna sübut bizim Avropa Şurasındakı nümayəndə heyətlərimizin birgə cəbhə alaraq, Amerika ekspansiyasına qarşı səs verməsidir. Biz belə qərara gəlmişik ki, Azərbaycan postsovet məkanında rusofobiyanın olmadığı, bütün millətlərin bir yerdə yaşamasına cəhd edildiyi tək-tük ölkələrdəndir. Çox ümid edirik ki, Azərbaycan gələcəkdə Avrasiya İqtisadi Birliyinin tərkibinə daxil olacaq ölkəyə çevriləcək. Mən bilirəm ki, Rusiya Prezidenti Vladimir Putin və Dövlət Dumasının rəhbəri Sergey Narışkin Azərbaycanla Ermənistanın Qarabağ kimi ağrılı problemin həllində yol tapmaları üçün çalışır. Məncə, bu yol tapılacaq".