Birləşmiş Millətlər Təşkilatının Təhlükəsizlik Şurası "Yəməndə şiə milislərin işğal etdiyi dövlət dairələrini dərhal tərk etmələri" barədə qanunu qəbul edib.

Axar.az xəbər verir ki, Şura bu qanunla Husi milislərinə ələ keçirdikləri dövlət idarələrini dərhal və qeyd-şərtsiz tərk etmələri barədə xəbərdarlıq göndərib.

Ancaq qanunda hərbi qüvvələrdən istifadə haqqında heç bir maddə yoxdur. Şura şiələrdən ev dustağı olan Prezident Abid Rabbo Mənsur Hadinin də dərhal azad edilməsini istəyib.

Xatırladaq ki, bu ayın əvvəlində Yəməndə İran dəstəkli olduğu iddia edilən şiə milislər Yəmənin şimalından cənubuna doğru irəliləyişlərini Əl Qaidə və sünni hökumətə qarşı genişlədərək paytaxt Sanada hökuməti devirərək rəhbərliyi ələ keçirib.