İrəvanda şok yaşanır: Hərbçilər aksiyaçılara qoşuldu
02:10
Ana səhifə Planet |
Ukraynaya məxsus təyyarənin vurulmasından sonra İrana Qərb ölkələrindən gələn turistlərin sayında kəskin azalma müşahidə olunur.
Axar.az xəbər verir ki, bu barədə İran rəsmilərindən biri İRNA agentliyinə açıqlamasında deyib.
"Növbəti iki ay ərzində ABŞ və Avropa ölkələrindən İrana gəlməsi gözlənilən turistlərin çoxu səfərlərini ləğv edib", - İran rəsmisi bildirib.
O qeyd edib ki, dövlət bu problemi həll etmək üçün özəl sektora yardım etməlidir.
Xatırladaq ki, yanvarın 8-də Tehran-Kiyev reysini həyata keçirən Boinq-737 təyyarəsi havaya qalxdıqdan bir neçə dəqiqə sonra qəzaya uğrayıb. Təyyarənin göyərtəsindəki 176 nəfərin hamısı həlak olub.
İran Ukraynaya məxsus təyyarənin səhvən raketlə vurulduğunu etiraf edib.
Tarix
2020.01.20 / 10:10
|
Müəllif
Axar.az
|