Ukrayna Prezidenti Vladimir Zelenski səhvən raketlə vurulması nəticəsində qəzaya uğrayan təyyarə ilə bağlı aparılan istintaqı müzakirə etmək üçün Kiyevə gələn İran Prezidentinin xüsusi nümayəndəsi Məhəmməd İslami ilə görüşüb.

Axar.az xəbər verir ki, bu barədə məlumatı Ukraynanın Prezident Aparatı yayıb. Məlumata görə, görüş zamanı tərəflər vurulan təyyarənin hissələrinin Ukraynaya verilməsi barədə razılığa gəliblər.

Görüşdə Zelenski təyyarənin qara qutusunu oxumaq üçün Ukraynada lazımi texniki imkanlar olduğunu qeyd edib.