İran parlamentinin deputatı Əhməd Həmzə ABŞ Prezidenti Donald Trampı qətlə yetirən şəxsə 3 milyon dollar mükafat vəd edib.

Axar.az xəbər verir ki, o, bu barədə İran parlamentində çıxışı zamanı deyib.

Həmzə həmçinin Ukraynanın sərnişin təyyarəsinin qəzaya düşməsinə görə Vaşinqtonun günahkar olduğunu bildirib.

O, pul mükafatını təmsilçisi olduğu Kirman vilayətinin əhalisinin adından verəcəyini söyləyib.

Xatırladaq ki, Kirman yanvarın 3-ü ABŞ-ın raket zərbəsi nəticəsində ölən SEPAH komandanı Qasım Süleymaninin doğulduğu bölgədir.