İsveçin paytaxtı Stokholmun Hasbi rayonunda, yaşayış evlərinin qarşısında ardıcıl iki partlayış baş verib.

Axar.az Azərtac-a istinadla xəbər verir ki, partlayışlardan sonra 50-dək insan öz evindən təxliyə edilib.

İsveç polisindən bildiriblər ki, partlayışlar nəticəsində bir nəfər xəsarət alıb.

Partlayışların baş verdiyi ərazidəki binalara xeyli ziyan dəyib. Asayiş keşikçilərinin sözlərinə görə, istifadə olunan partlayıcı maddənin növü hələ ki, müəyyən edilməyib.

İsveç polisi və prokurorluğu bu partlayışlarla bağlı təhqiqata başlayıb.